Eure Gedichte

Kennst du selber auch ein tolles Gedicht?
Dann schreibe es mir, ich freue mich über jede Zuschrift!

KAFFEE-PÄUSLI

5.12.2008

Samichläusli, Samichläusli
Chum ine, mach es Kaffee-Päusli.

Din Sack isch einewäg vii z'schwer.
Drum ässed mir ihn gschiider leer.

Jacqueline (13 Jahre)

SAMICHLAUS DU GUETE MAA

1.12.2007

Samichlaus du guete Maa,
ändlich bisch du weder da!

Chusch cho luege, was ich mache,
wien ich spiele, singe, lache.

Tuesch mi lehre Fröid z'verschänke,
und au chli a die andere z'dänke.

Nur so bin ich sälber froh -
und d'Wiehnachsfröid cha zue mer cho!

Patrizia Schmid (selbst vorgetragen)

SAMICHLAUS DÄ SUPERMAN

1.12.2007

Samichlaus Du bisch zwar nöt dä Superman
au kein Betman und kein Speiderman
aber i dä Herzä vo dä Chind bisch du diä gröschti Pflicht.

Du hasch än rissä grossä Bart
än Sack mit Mandlä Nuss und Co
chan jedes Chind zu diär cho.

Dä Schmuzli git jedem ei uft Nuss
doch hämer än au gern er isch äs Muss

Hoi Samichlaus,
ich glaubä zwar nümä a dich doch find ichs schön
diär eimal im jahr mit ämänä Gtichtli zeigä
wiä wichtig du mir gsi bisch und alnä chindä.

Kristina Raicevic, Zürich (12 Jahre, selber gedichtet)

IM WALD IMENE HÜSLI

28.11.2007

Im Wald imene Hüsli,
bim Häsli ond bim Reh,
det han ech heimlich de Samichlaus gseh.

Er flickt d'Fenschterlädeli, es windet ums Hus,
es gsed ganz nach Winter ond Schneewätter us.

En chline Kalender de zeigt ehm a,
am sächste Dezember zo de Chinde z'ga.

I sim grosse Buech schribt er alles i,
drom liebi Chinde - bravi si.

Jana Engel, Abtwil (6 Jahre)

HALLO SAMICHLAUS

2.12.2006

Samichläusli Samichläusli
mach no ned es Kaffepäusli.
Gang zerst zu de vele Chend
breng Manderindli ond Nössli gschwend.

Ech be no am Fuessball-spele.
Hesch mi au gse vor de Chele?
Ech be go Schmotzli ploge.
Drom duen echs nömm i ehri Nöchi Woge.

Öber es Säckli wörd ech mech schaurig fröie,
wenns dech ned tued röie.
Nem de Kaffi doch i dis Hus.
Trenk ne vor dim länge Pfus.

Luca Steiner (selbst vorgetragen)