Eure Gedichte

Oh Samichlaus du liebe Maa
hesch du öbis für mi daa?
Schögeli, Guezli, Läbchueche
Ales für mi mhmmm
Aber bini artig gsi,
Bitte Samichlaus stah mir bi.

Fabienne Hotz

Schwäri Schrett due-n ech ghöre
öpper esch vor de Töre.

De Samichlaus chlopfed a'd Töre
är wet au i die warm Schtobe ghöre.

Schmotzli send natürlech ou debii
sie lueget öb d'Chender brav düend si.

Ech be secher emmer brav
das ech ou feini Sache darf.

Leonie Meier (selbst gedichtet und vorgetragen)

Samichlaus, du guete Maa,
äntlich bisch du wieder da.
Chunsch cho luege, was mir mached,
wie mir spieled, singed, lached.
Tuesch mich lehre s'Härz verschänke,
ä chli meh a anderi dänke:
Nur so bin ich au selber froh,
und d'Wiehnachtsziit cha zu üs cho.

Leonie Schaub (12,5 Jahre)

Samichlaus du liebe Ma

bisch au das Johr wieder da.
Di Sack und d ruete hesch au hüt dübi,
voll mit Gschenk für gross und kli.

Chunsch ko luege was ich bravs mach,
wie ich spiel, sing, lach.
Me gset euch duse Lichterloh,
dr' Schmutzli isch natürli au do

Steven Caminada (11 Jahre)

Oh Samichlaus du lieba Maa,
i weiss nid ob dirs säga cha,
mi druckts nämlich tüüf ins Herz,
so öppis wie en liesa Schmerz.

S isch leider wieder Chrieg und Not,
in mängem Hus fählts täglich Brot.
vieli Chind in mängem Land,
händ weder Muatter, Bett no Gwand.

Der Tod isch döt dr einzig Gascht,
weisch Samichlaus drum brüall i fascht,
bim bäta ha i geschter denkt,
mir alli werden rich beschenkt.

Im Schwitzerländli händ mirs recht,
und üs gohts allgemein nid schlecht,
händ Bett, Brot und Grittibänza,
und "üsri Auga" dörfet glänza.

Weisch Samichlaus, i gseh, du brüallsch jo selber fascht!
I ha dich doch nur wella bitta,
leg eis vo mina Gschenk uf Zita,
und gibs eim vo däna Chind,
wo ohni Brot und Heimat sind.

Melanie (10 Jahre)